Ek sou graag 'n kind wil opvreet Sylviane Donnio

Een oggend wil Kareltjie niks eet nie. Mamma Krokodil is bekommerd en vra: "Is jy seker? Wil jy nie een van hierdie heerlike, sagte piesangs hê nie?" "Nee dankie, Mamma," antwoord Kareltjie. "Vandag wil ek liewer 'n kind opvreet." "Wat 'n gedagte, Kareltjie!" roep sy ma uit. "Daar groei nie kinders aan piesangbome nie, net piesangs!" Tot nou toe het Mamma Krokodil elke oggend vir Kareltjie lekker piesangs gebring vir ontbyt. En elke oggend sê sy verbaas: "My seun, kyk hoe groot word jy, en mooi! Kyk net daardie tande!"