Sesizophila Ngale Ndlela

“Mina ngangiye ngicabange ukuthi ukuphefumula komuntu okokugcina sekuphuma umndondo, kuba wumsindo ozwakala ukude, ogqamile nosala ulenga emoyeni samcabango ophazanyiswe ungakaphinyiswa. Kanti-ke akunjalo neze, ukuphuma komphefumulo kadadewethu omdala, uFikile, akuyeli ngisho nakancane kulokho. Kuthule kuthe cwaka, akukho msindo ohohoza emphinjeni wakhe. Akukho nakuqhwisha komzimba okuwumlibe. Akukho ngisho nokuzabalaza kodwa lokhu, okuwumzamo wokulwela impilo. UFikile ushona kalula nje, wena owabona isibani sithi lwaphe, kuphele kanjalo ukukhanya.”

Njengoba udadewabo ka-Anele Mabuza, uFikile, ebulawe umdlavuza webele, nobaba wakhe esalala kobandayo, umama wakhe esevuke wazithintitha ngemva kweminyaka ezinikele etshwaleni kanti nomfowabo omncane uMbuso, edliwa intukuthelo enganqamuki, akukho angakwenza u-Anele ngaphandle kokuba azibambe ziqine. Kodwa uzokwenza yini lokho? Phela uma kukhulunywa iqiniso, akazange azinikele ekutheni umndeni wakhe uzoba umthwalo osemahlombe akhe. Ngokuqinisekile amaphupho akhe ayiqiniso.