Umlungu Omnyama by Kopano Matlwa

Incwadi esihloko sithi Umlungu Omnyama inoveli yokuqala yalo mbhali kodwa eseyihlomule ngendondo, ikhuluma ngokukhula njengengane ensundu endaweni ebuswa abamhlophe nezimfundiso zabo. Ilandisa ngamantombazane amabili asemancane aphila ezindaweni zasesilungwini eGoli, efunda ezikoleni ezizimele zakobelungu enabangani abamhlophe. U-Ofilwe ovela ekhaya elinothile futhi okhula ephathiswe okweqanda ubekuthatha kalula konke lokhu akhule enakho kanti manje kufanele abhekane nomshophi wokukhula engenasisekelo samasiko, umhlaba aphila kuwona ubonakala ungenamongo futhi untengantenga. Ngakolunye uhlangothi sibona uFiks, oyintombazane ezithandela izinto futhi ezikhulumelayo, ungumuntu oshabashekela impumelelo futhi olangazelele ukufulathela imuva lakhe elinesihluku aye empilweniyasedolobheni yobukhazikhazi, kodwa le mpilo entsha uyithola inzinyana futhi ingenasihe nokwehlukile kulokho abekulindele. Okulangazelelwe yilaba besifazane abasebancane ukuthuthuka nokuthandeka,kodwa okubaluleke kunakho konke ukuthola ukwamukeleka. Ukwamukeleka, empeleni, kutholakala ngokuba udele konke okukwenzaube umuntu omnyama – osamlungu kakhulu ukuba angahlala nabamnyama, futhi omnyama kakhulu ukuba angahlala nabamhlophe.